И оваа година реномираната компанија P&G (Procter & Gamble) каде спаѓа и брендотот Еукануба организира кинолошка манифестација Eukanuba World Challenge.
Манифестацијата досега се одржуваше во САД а оваа година се сели во Европа т.е. во Амстердам-Холандија (13-14 Декември). ,,Amsterdam winner show,,
Организаторот на оваа манифестација достави допис до претседателот на Кинолошкиот сојуз на РМ г-дин Сашо Пешев како и до генералниот менаџер и дитрибутер на Еукануба за Р.М., г-динот Перо Божиновски, со цел да се изврши избор на најубаво куче кое ќе ја претставува Македонија на Eukanuba World Challenge 2014 – European Qualifying event kој ке се одржи во рамките на Европската изложба во Брно –Р.Чешка (23-26 Октомври 2014) Како и предходните години настанот ке може да се следи on line, а генерален спонзор е Eukanuba!
Македонија се наоѓа во групата на 24 земји кои ќе се напреваруваат за избор на 2 кучиња кои ќе патуваат на завршната манифестација во Амстердам. Тука спаѓаат земјите : Азербејџан, Белорусија, Бугарија, Хрватска, Кипар, Естонија, Грција, Грузија, Ирска, Израел, Латвија, Литванија, Луксембург, Малта, Монако, Молдавија, Романија, Сан Марино, Србија, Словачка, Словенија, Украина, Турција и Египет кои ке им се приклучат на останатите земји( Германија, В.Британијa, Шпанија, Русија, Јапонија, Аргентина, Австралија, Нов Зеланд, Мексико, САД и др.)
Правила и услови за учество:
-кучето кое ќе се натпреварува мора да биде регистрирано во КСМ минимум 1 година
- да е национален шампион на земјата
-да е пријавен на Европската изложба во Брно- Р.Чешка 2014
Организаторите и претставниците не ги покриваат трошоците за пат и престој во Брно.
На победниците ( 2-те кучиња) на европските квалификации ке им бидат платени сите трошоци (пат-престој ) во Амстердам.
Сите заинтересирани од Р.Македонија кои ги задоволуваат условите за учество можат своите кучиња да ги пријават во Кинолошкиот сојуз до 27.09.2014 год. (пријавата е бесплатна) исто така задолжително е да достават доказ за освоени титули и признанија (BOB,BOG,BIS,RBIS…)
Стручната комисија во состав од Меѓународните кинолошки судии- All round:
1. г-дин Сашо Пешев
2. г-дин Перо Божиновски и
3. г-дин Миле Алексоски
ќе одлучи кое куче оваа година ќе ја претставува Македонија на Европските квалифијации за EUKANUBA WORLD CHALLENGE 2014
Претставниците од сите земји ке имаат сите права и почести од организаторот и слободен пристап до штандот на Еукануба за што посебно ке бидат контактирани од организаторот Еукануба. На денот на изложбата а овој настан традиционално се одржува пред почетокот на Best in Show сите земји учеснички ќе продефилираат со знамињата на државите и номинираните кучиња. Само за потсетување дека во изминатиот период сме имале претставници од расата шарпланинец и доберман. Да се надеваме дека и овој пат Македонската кинологија ќе ја претстави достојно избраниот претставник за што однапред им честитаме на сите овде пријавени учесници.