Кинолошкиот сојуз на Р.Македонија на ден 11.03.2017 година (сабота) организира СОВЕТУВАЊЕ ЗА ШАРПЛАНИНЕЦ. Советувањето ќе се одржи во салата Национал во хотелот Белви во Скопје со почеток во 17 и 30 часот. Овој стручен собир ќе се одржи во пресрет на Државното првенство за раса Шарпланинец што ќе се одржи на ден 12.03.2017 година (недела) на терените на хотелот Белви во Скопје.

Дневен ред

од 17:30 до 17:35 часот – Отворање на советувањето –ДВМ Миле Алексоски – Генерален секретар на КСМ

од 17:35 до 17:40 часот – Поздравни зборови на присутните

од 17:40 до 18:00 часот – Воведен реферат – ДВМ Спец. Перо Божиновски – Претседател на Стручен совет на КСМ

од 18:00 до 18:15 часот – Кафе пауза

од 18:15 до 20:00 часот – Дискусија

од 20:00 до 20:10 часот – Заклучоци

На сите учесници им посакуваме успешна работа, пријатен престој и убаво дружење.

Претседател Сашо Пешев

Кандидати за полагање на испит за судии / приправници

Почитувани,

Стручниот совет Ве известува дека испитот за кинолошки судии и приправници е ќе се одржи на 9 Март 2017 год (четврток) со почеток во 10 часот и 30 минути во просториите на Кинолошки сојуз на Македонија.

Ги молиме сите кандидати кои ги исполнуваат условите за полагање на испитот на меил адресата на Кинолошкиот сојуз да поднесат до канцеларијата на КСМ барањe за полагање испит и тоа:

1. Пополнет образец за пријавување на испит
2. Прилог исполнети потребните стажирања кои што стажирања ќе мора да соодветствуваат со уписот на кандидатот во каталогот на изложбата за која приложува стажирање
3. За стажирањата исполнети во странство кандидатот да достави потврда барање кое е испратено од Кинолошкиот сојуз на РМ до странскиот организатор на изложбата

ОБРАЗЕЦОТ ЗА ПОЛАГАЊЕ НА ИСПИТ ВИ ГО ИСПРАЌАМЕ ВО ПРИЛОГ НА ОВОЈ МЕИЛ, А ИСТИОТ МОЖЕТЕ ДА ГО НАЈДЕТЕ НА НАШАТА ВЕБ СТРАНА: www.ksm.org.mk

КРАЕН РОК ЗА ПОДНЕСУВАЊЕ НА ДОКУМЕНТАЦИЈА ЗА ПОЛАГАЊЕ НА ИСПИТОТ Е 05 МАРТ 2017 ГОДИНА

Би сакале да Ве известиме дека котизацијата за полагање на испитот изнесува:

-       За испит за кинолошки приправник 2.000,00 денари

-       За испит за кинолошки судија 3.000,00 денари

Котизацијата се уплаќа на жиросметката на

Кинолошки сојуз на РМ – 210040679830198,

НЛБ банка,

цел на дознака Котизација за испит,

најдоцна до 08.03.2017 година.

Со почит,

Стручен совет на КСМ

Електронско пријавување

ПРИЈАВА

Application for booking 2016

Онлајн пријава

На 29 Март 2016 година со голема жал се разделивме од нашиот истакнат и драг колега, кинолошкиот судија Владимир Крстевски, член на Стручен совет на Кинолошки сојуз на Република Македонија, човекот кој голем дел од својот живот го посвети за унапредување и развој на македонската кинологија, особено за расата Шарпланинец.

Владимир Крстевски е роден на 15.08.1968 година во Куманово.

Од најрано детство другарувал со Шарпланинецот, а подоцна и како натпреварувач и основач на одгледувачницата за Шарпланинци КЕФ од Куманово во 1988 год.

Неговиот придонес во развојот, чувањето и промоцијата на македонската раса Шарпланинец, како што тој сакаше да го нарече Македонски горостас, беше преку бројни судења, советувања, семинари, стручни собири и трудови.

Во 2010 година ја издава својата книга Македонскиот горстас – Шарпланинец, преведена на повеќе јазици која неуморно ја создаваше истражувајќи цели 4 години.

Трагајќи по татковината на Шарпланинскиот овчар во 2014 година во соработка со Руската Национална телевизија ја раскажа приказната за Шарпланинецот во документарниот филм “Планета собак” посветен за оваа наша автохтона раса.

Од 2000 година е кинолошки судија за расите од 2-ра ФЦИ група-Специјалист за раса Шарпланинец. Судел на многу специјализирани изложби за расата Шарпланинец во Македонија и во државите на поранешна Југославија каде што беше ценет и почитуван како вистински познавач на расата.

Говорејќи за кучињата, често знаеше да каже:

“Ние ги избираме кучињата, а тие нé прифаќаат онакви какви што сме-нивниот живот би требало да биде лекција за нас.

За мене, кинологијата не само што е наука, не само што е живот туку таа е и авантура, а сето тоа си има огромно значење и смисла, тука се чувствувам најугодно, најрелаксиран, најопуштен, со еден збор, БЕСМРТЕН.”

Почивај во мир наш драг пријателе и соработнику.

Со длабоко сочувство до фамилијата Крстевски.

Погребот ќе биде на ден 30 Март 2016 (среда) во 13 часот на градските гробишта во Куманово.

]]> https://ksm.org.mk/?feed=rss2&p=1814 0